“Гүем Унгар дахь Монгол Сургууль” сургалт хөгжлийн төв нь Унгар улсад амьдарч байгаа монгол хүүхдүүдэд зориулан, эх хэл, өв соёлоо эзэмшиж, төрөлх хэлээрээ ярилцан нөхөрлөж, “монгол” гэх үнэт зүйлийг хуваалцах, дотно, дулаан орчин бүрдүүлэх, үндэсний хэлээ хойч үедээ өвлүүлэн үлдээх зорилгоор Унгар улсын Будапешт хотноо 2023 онд Б. Энэрэл, С. Бүжинлхам, Г. Жалсрайжамц нар Монгол Улсаас Унгар Улсад суугаа Элчин Сайдын Яам, Унгар Улсын Өтвөш Лорандын нэрэмжит Их сургуулийн Монгол судлалын төвийн дэмжлэгтэйгээр  үүсгэн байгуулсан төрийн бус боловсролын байгууллага юм.