Монгол Улсын Боловсрол, шинжлэх ухааны яам болон Унгар Улсын Гадаад хэрэг, худалдааны яам хамтран байгуулсан харилцан ойлголцлын санамж бичгийн дагуу жил бүр 200 монгол оюутан Унгар улсыг зорин суралцдаг билээ.

Одоогийн байдлаар Стипендиум Хунгарикум буюу Унгар улсын засгийн газрын тэтгэлгээр 1500 гаруй оюутан суралцаж байна.

Унгар улсын их дээд боловсролын дэлхийд өрсөлдөх чадварыг нэмэгдүүлэх зорилготойгоор Унгар улсын засгийн газраас 2013 оноос тус тэтгэлгийг хэрэгжүүлж эхэлсэн агаад

2021-2022 оны хичээлийн жилд 80 гаруй орны 11000 орчим гадаад оюутан тус тэтгэлгээр суралцсан аж.

Унгарын 29 их дээд сургууль энэхүү тэтгэлэгийг хэрэгжүүлдэг бөгөөд төгсөгдчийн 80 гаруй хувь нь Унгар улсад дахин ирж суралцдаг гэх баримт байдаг.

Унгар улсад их дээд боловсрол эзэмшин, эрдмийн зэргээ ахиулсан монгол төгсөгчид сурч мэдснээ хэрэгжүүлж, эх орныхоо хөгжил дэвшилд хувь нэмрээ оруулах итгэл дүүрэн байна.

Мэдээ бэлтгэсэн: С.Бүжинлхам, Т.Золжаргал