Унгар Улсын Үндэсний архивын газрын дарга Хабил Шабо, Монгол Улсын Архивын ерөнхий газрын дарга С.Энхбаатар нар 2022 оны 12 дугаар сарын 13-ны өдөр Унгар улсын нийслэл Будапешт хотод архивын салбарт хамтран ажиллах санамж бичигт гарын үсэг зурлаа.

Харилцан ойлголцлын санамж бичгийн хүрээнд түүх, соёлын баримт бичгийн мэдээлэл солилцох, хамтарсан судалгаа хийх, мэргэжилтэн солилцох, албан бичиг хэрэг хөтлөлтийн туршлага хуваалцах зэрэг олон талын үйл ажиллагаа хэрэгжүүлэхээр төлөвлөж буй талаар Монгол Улсын Архивын ерөнхий газрын дарга С.Энхбаатар дурьдсан юм.

Тус айлчлалыг Унгар улс дахь Монгол улсын элчин сайдын яам хамтран зохион байгуулсан бөгөөлд энэхүү санамж бичиг нь хоёр улсын хооронд архивын салбарт байгуулж буй анхны гэрээ хэлэлцээр болж буйгаараа онцлог юм.

Мэдээ бэлтгэсэн: Ц. Даваахүү, Т.Золжаргал