Монгол судлаач 60 гаруй эрдэмтэн Унгар улсад хоёр чухал сэдвийн хүрээнд эрдэм шинжилгээний хурал зохион байгууллаа. Энэ үеэр Монгол, Унгарын эрдэмтдийн хамтран туурвисан “Манж, Хятад, Монгол, Тод үсэг хавсарсан толь бичиг”, “Лайош Лигетийн Өвөр Монголд хийсэн судалгааны ажлын урьдчилсан тайлан,“Унгар улс дахь Монголын өв соёлын дурсгалууд” хэмээх бүтээлүүдийн нээлт болжээ.

Энэ жил Монгол судлаач, эрдэмтэн профессор Лайош Лигетигийн мэндэлсний 120 жилийн ой тохиож байна. Дэлхийн монгол судлалд үнэтэй хувь нэмэр оруулсан эрдэмтэн Лайош Лигетигийн хүндэтгэлийн хуралд Монгол Улсын Ерөнхийлөгч Хүрэлсүх мэндчилгээ уламжилсан юм. Лайош Лигетийн ХХ зууны эхний хагаст цуглуулсан хээрийн судалгааны материалууд, монголчуудын бичмэл түүхийн анхдагч болсон “Монголын нууц товчоо”-ны галиг, орчуулга мөн “Монгол Ганжуурын гарчиг” нь олон судлаачдийн анхааралын төвд монгол судлалыг оруулсан чухал бүтээл болсныг эрдэмтэн судлаачид хэлж байна. Тэрээр Монгол, Түрэг, Төвд, Хятад судлалыг хамруулж өргөн хүрээнд сургалт, судалгаа шинжилгээ өрнүүлж ирсэн их эрдэмтэн байжээ.

Нэрт монгол судлаач, Унгарын шинжлэх ухааны академийн дэд ерөнхийлөгч асан Лайош Лигети нь Өтвэш Лорандын Их Сургуулийн дорно дахин судлалын төвд Төв Ази ба Монгол судлалын тэнхимийг үүсгэн байгуулж байжээ.

Нэрт эрдэмтний мэндэлсний 120 жилийн ой нь Өтвөш Лорандын Их Сургуулийн дэргэд “Төв Ази ба Монгол судлал”-ын тэнхим байгуулагдсны 90 жилийн ойтой давхцаж байна. Тиймээс дээрх эрдэм шинжилгээний хуралтай хамтатган “Монголын бурхны шашин: Ан амьтан, ургамал, байгал хамаагалал” сэдэвт олон улсын дөрөвдүгээр эрдэм шинжилгээний хурлыг зохион байгууллаа.

Дорно дахины эртний соёлт ард түмэн болох Монголчуудын Ази, Европт тархсан соёл, урлагийн дундаршгүй арвин өвийг судлах ажилд аннхаарч ирсэн эрдэмтэн судлаачид Монголын түүх, шашин, соёлын талаар хийсэн судалгаа, илтгэлээ Монгол, Англи хэл дээр танилцуулан хэлэлцсэн юм.

Сурвалжлагч: Т.Золжаргал, С.Бүжинлхам

Зураглаач: Г.Жалсрайжамц, Солонго

‍