Энэ жилийн хуралдайд Унгар, Монгол, Турк, Казак тэргүүтэй 20 гаруй нүүдэлчин угсаат үндэстэний 200,000 гаруй зочид гийчэд оролцсон юм. Хурдан морь, хүчит бөхийн барилдаан, сур харваа зэрэг уралдаан тэмцээн зохион байгуулагдсанаас гадна Унгарын хэд хэдэн музейдтэй хамтран түүх архелогийн үзмэрүүд мөн уран зураг, урлагийн бүтээлүүд дэлгэгдсэн нь ирсэн зочдын сонирхлыг ихээр татаж байлаа.

Унгар улс Төв Азиас нүүдэллэн ирсэн эртний нүүдэлчдийн өв уламжлалтай улс билээ. Төв Европт суурьшиснаас хойш мянга гаруй жил өнгөрсөн хэдий ч Унгарын түүх судлаач, архелеогчид нүүдэлчин үндэстэнүүд тэр дундаа Унгарын эртний нүүдэлчдийн түүх соёлын талаар нарийвчлан судалсаар ирсэн байна. Унгар төдийгүй олон улсын нэрт түүх судлаачид судалгааны ажлын үр дүнгээ хуваалцсан нь хуралдайн бас нэгэн онцлог хэсэг байлаа.

Мэдээ бэлтгэсэн: С.Бүжинлхам, Т.Золжаргал, Б.Цолмон

#MNB